Lisez l’intégralité du communiqué en créole
Kominike pou Laprès
Gouvènman Repiblik la salye kouraj ak detèminasyon polisye ki te kanpe pou eseye kontre atak gang kriminèl sou Penitansye nasyonal ak prizon Kwadèboukè a nan nwit ki te soti 2 rive 3 mas 2024.
Pandan dechenman vyolans sa yo, ki te fèt plizyè kote, kriminèl ak gwo zam t ap chèche lage moun ki te nan prizon pou zak asasinay, kidnapin, ak lòt krim grav. Ak konplisite kèk moun, kriminèl yo pa t ezite touye sivil, piye epi boule byen leta ak byen prive. Malerèzman, polisye yo pa t rive anpeche bandi yo lage anpil prizonye.
Atak sanginè sa a fè anpil blese pami prizonye yo ansanm ak anplwaye prizon yo.
Gouvènman Repiblik la ap remèsye popilasyon an ki rete tèt frèt malgre moman an trè difisil, li pwofite pou li mande popilasyon an pou li rete veyatif epi pran anpil prekosyon pandan Polis nasyonal la ap pran tout mezi pou li jwenn prizonye ki sove yo epi arete responsab zak kriminèl sa yo ansanm ak tout konplis yo, pou lòd piblik kapab retabli.
