23 °C Port-au-Prince, HT
24 octobre 2021

Haïti: LIFAR revoltée après l’assassinat odieux d’Evelyne Sincère

Dans une note de presse acheminée à l’agence en ligne KAPZY NEWS et signée par sa Coordonatrice générale, Mme. Pedrica Saint-Jean, la Ligue Haïtienne des Femmes pour le renouveau (LIFAR) dit avoir avec une grande douleur que l’assassinat suivi de viol d’Evelyne Sincère, une jeune fille plein d’avenir.

Lisez l’intégralité de la note à partir de ce lien

Pòtoprens , dimanch 1e novanm 2020

*Nòt pou laprès *

Lè nen pran kou je kouri dlo.

*Lig Fanm Ayisyèn pou Rekonstriksyon (LIFAR) aprann ak anpil doulè zak asasinay ki fèt sou Evelyne Sincère, yon jenn demwazèl ki te chaje avni devanl. Pa gen manman pitit ki pap endiye lè yo fi n gade foto Kadav Evelyne Sincère jou dimanch 1e novanm sa, jou latousen sa.*

Se trip nou k ap rache nou menm manm lig Fanm Ayisyèn pou Rekonstriksyon (LIFAR) , lè nou wè kouman bandi san fwa ni lwa kidnape, vyole, bat epi touye yon jenn ti fi 22 lanne ki fenk soti konpoze nan klas filo,  pitit yon malerèz k ap bat dlo pou fè bè.

LIFAR ap mande kouman nou menm ayisyen fè rive nan nivo zanmi sa a, nou vi n san kè, san moral, nou pa sansib ankò. Lavi moun pa vle di anyen ankò pou nou.

Lig Fanm Ayisyenn pou Rekonstriksyon (LIFAR) mande tout òganizasyon kap defann dwa moun, tout oganzasyon kap batay kont vyolans kap fèt sou fanm ak tifi pou leve vwa yo yon fason pou kondane zak malonèt sila, zak Kanibal sa epi mande mouche leta pran responsablite l pou pwoteje lavi moun, pou lapolis fè travay li ki se pwoteje vi ak byen.

Lig Fanm Ayisyèn pou Rekonstriksyon mande pou lajistis jije tout kriminel kap simen dèy nan mitan fanmi ayisyèn nan.

LIFAR ap pwofite okazyon sila pou mande minis kondisyon fanm ak dwa fanm jwe wòl li nan fòse minis Jistis la pran responsablite l pou pèmèt Evelyne Sincère jwenn jistis.

Pou fini , LIFAR mande tout manman ak papa nan peyi a pou leve kanpe   pou rele anmwey kont ensekirite sa ki ta parèt pwograme. LIFAR kwè si nou pa leve vwa nou, se antre kounye a bandi yo pral antre pran nou lakay nou, kidnape nou ak tout pitit nou.

Nou pa ka fè , nou pa dwe fè silans mezanmi. Lanmo jenn demwazèl byen pòtan sa dwe reveye endiyasyon nou pou n di non ak zak ensekirite yo paske twòp san koule nan peyi a.

Nou bouke, fòk Otorite yo nan Leta pran responsablite yo pou bay tout pèp ayisyen an sekirite ou byen yo tout dwe demisyone.

Viv yon sosyete kote tout moun ka viv nan lapè.
Viv yon Ayiti kote Leta pran responsablite l.
Viv yon peyi kote vyolans sou fanm ak ti fi kaba
Jistis pou tout moun ki pase anba tren ensekirite

Pedrica Saint Jean 
Kodonatris Jeneral

error: Content is protected !!